30 دولة ممكن تسافر ليهم كمصري من غير تأشيرة

Facebook Twitter Pinterest Linkedin Google + Email Whatsapp Telegram

كمصريين، دايما عندنا مشكلة في السفر برة مصر !

ومع انخفاض قيمة الجنية، وطبعا زيادة اسعار الطيران والفنادق لانها مرتبطة بالدولار، السفر بقي صعب شوية، ولازم ندور علي الدول الي تأشيرتها مش صعبة او مُكلفة، السفر مش شرط يكون لاوروبا او امريكا، فية اماكن كتير جميلة ممكن تسافر ليها وتأشيرتها سهلة.

1

آسيا:

فى قارة آسيا عندك 13 دولة، مش بيطلبوا منك غير جواز سفر وتذاكر الطيران واقامة الفندق ، معظم الدول دة بتحددلك مدة اقامة معينة.

1- كامبوديا، بتاخد التأشيرة بتاعتها في المطار لمده شهر، وبتدفع 20 دولارا .

2- هونج كونج، مش بتطلب منك تأشيرة دخول ، بحد اقصي 3 شهور.

3- إندونيسيا، بتاخد التأشيرة اول ماتوصل المطار، لمدة شهر مقابل 25 دولارا.

4- الأردن، السفر ليها سهل جدا ، مش بتطلب تأشيرة دخول، وممكن تفضل فيها شهر.

5- كوريا الجنوبية، مش بتطلب تأشيرة في حاله السفر كسياحة، وممكن تقعد فيها لمدة 15 يوما.

6- ماكاو، ده دولة صغيرة تابعة للصين، برضه مش هيطلبوا منك تأشيرة، وممكن تقعد فيها 90 يوم.

7- جزر المالديف، والي من اسمهت ناس كتير بتفتكر ان السفر ليها صعب، بس الحقيقة انك ممكن تاخد تأشيرتها في المطار هناك.

8- ماليزيا، من افضل الدول في اسيا، مش بتطلب منك فيزا او تأشيرة، وبتسمحلك تقعد هناك 3 شهور كاملة.

9- نيبال، بلد حلوة جدا، تأشيرتها سهلة لمد 150 يوم مقابل 80 دولار.

10- سوريا، طبعا مستحيل حد هيسافر ليها دلوقتي بسبب ظروف الحرب، بس سوريا مش بتطلب فيزا او حتي بتحدد مدة اقامة للمصريين.

11- لبنان، زي سوريا مش بتطلب منك تأشيرة او ليها مدة للبقاء بس يفضل يكون معك مبلغ مالي “من 1000 ل 2000” دولار وانت داخل المطار هناك.

12- اليمن، مالهاش اي تأشيرات او مدا اقامة، بس طبعا السفر ليها صعب دلوقتي.

13-جورجيا، وده فيزتها سهلة جدا بتشتريها اون لاين بتجيلك علي الميل في حوالي 5 ايام ب 20 دولار، وبتديك مدة اقامة شهر.

maldiv

أفريقيا:

أفريقيا دلوقتي اتغيرت كتير وبقي فيها اماكن كتير ممكن تسافر ليها، بس اسهل دول في افريقيا هيا :

14- غانا، مش بتطلب تأشير دخول، وممكن تفضل فيها 3 شهور كاملة.

14- غينيا، نفس ظروف غانا، ممكن تقعد فيها 3 شهور ومش بتطلب تأشيرة.

16- السودان، مش بتطلب تأشيرة من المصريين وممكن تفضل فيها شهر وان كان دلوقتي سعات بيطلبوا دعوة او عقد عمل.

17- كينيا، بتاخد تأشيرتها في المطارهناك مقابل 50 دولار.

18- مدغشقر، جزيرة جميلة جدا وتأشيرتها بتكون لمدة 90 يوم بتاخدها هناك في المطار 

19- أوغندا، تأشيرة اوغندا بتتاخد من المطار هناك، مقابل 50 دولار ل 6 شهور او ممكن تدفع 100 دولار مقابل سنة كاملة.

20- زامبيا، تأشيرتها ب 25 دولار للفرد من المطار هناك.

21- زيمبابوى، عندها نوعين من التأشيرات، تأشيرة أجازة وده بتكون لمدة 3 شهور وتأشيرة عمل وده لمدة شهر بس.

mad8s2ar

الأمريكتين:

الدول ده تعتبر في اخر الدنيا بس بجد تستحق انك تجرب تسافرلها لو عندك فرصة:

22 – دومينيكا، مش بتطلب منك تأشيرة دخول لمده 21 يوم ، بس لازم تخلي بالك لأن الدنيا مش امان اوي هناك. 

23- غرينادا، ده عبارة عن مجموعة من الجزر علي بحر الكاريبي، جنة علي الأرض، ممكن تسافرلها بدون تأشيرة وتقعد هناك لمدة 14 يوم.

24- هايتى، شوية جزر علي الكاريبي برضه، مش بتطلب منك تأشيرة وممكن تقعد هناك 3 شهور.

25- سانت كيتيس، ده دولة مكونة من جزيرتين، برضه مش بتطلب منك تأشيرة لمده 3 شهور هناك.

26- سانت فنسنت، نفس القصه جزر علي الكاريبي ومش بتطلب منك تأشيرة دخول.

27- جزر كوك، ده تابعه لنيوزلاندا ومش بتطلب تأشيرة.

28- مايكرونيزيا، مجموعة جزر فى النصف الجنوبى من المحيط الهادئ، مش بتطلب تأشيرة دخول لمدة شهر.

29- جمهورية باولا، ودة جزيرة فى المحيط الهادئ، تأشيرتها من هناك ولمدة 30 يوم.

30- سامو جزيرة قريبة من نيوزلاندا، ومش بتطلب تأشيرة دخول.

domincana

Facebook Twitter Pinterest Linkedin Google + Email Whatsapp Telegram

نبذة عن الكاتب

حطت أقدامى في أراضٍ مختلفة، امتزجت شخصيتى بثقافتها، تأثرت بحضاراتها، تعلمت من شعوبها، وتفاعلت مع أحداثها، وما زلت أشعر أنه ينقصنى الكثير وأن رحلتي لم تبدأ بعد

مقالات متعلقة