أرخص 5 دول ممكن تسافر ليهم بأقل التكاليف في 2017

Facebook Twitter Pinterest Linkedin Google + Email Whatsapp Telegram

بعد انخفاض قيمة الجنية المصري، وارتفاع تذاكر الطيران بشكل كبير ،السفر بقي صعب، احنا دورنا علي أرخص 5 دول ممكن تسافر ليهم بأقل التكاليف.

1- الفلبين:

الفلبين ببساطة هي جنة علي الارض، الشواطئ والمناظر الطبيعية الموجودة هناك مش موجودة  في مكان تاني ، ممكن تلاقي فندق او “هوستيل ” بأقل من 10 دولار في الليلة، المواصلات كمان هناك رخيصة ومتنوعة ، وسهل جدا تتنقل من جوة البلد.

ميزة تانيه في الفلبين وهي ان مصاريف الاكل والشرب هناك رخيصة مقارنة بدول تانية جنبها.

سياحة-فلبين

2- اليونان:

بعد تردي الوضع الإقتصادي في اليونان ، والمشاكل الاقتصادية الي بتعاني منها مِؤخرا، السياحة هناك بقت أرخص من الاول بشكل ملحوظ.

اليونان مليانة بجزر، ممكن تكون  ملائمة لشهر عسل او لرحلات استجمام واسترخاء، حاول تزور اكثر من مدينة وجزيرة ، اسعار الفنادق دلوقتي أرخص بكتير من الاول بسبب الازمة المالية الي هناك، فاستغل النقطة ده وسافر لليونان.

اليونان-اوروبا

 3- الهند:

الهند بلد مش محتاجة ان حد يتكلم عنها ، فيها تاريخ وتنوع ثقافي وبلد سياحي من الدرجة الاولي، بس الهند فيها ميزة مش موجودة في بلد تانية وهيا انك ممكن تسكن في قصور بأقل من اسعار الفنادق.

الهند مليانة بقصور انجليزية من عهد الاحتلال ، القصة بدأت من بعد خروج الانجليز من الهند وانتهاء الاحتلال الانجليزي، الحكومة هناك بدأت تفكر في استثمار القصور ده فعرضتها للبيع بس شرطت علي المالك انة يحولها لفنادق سياحية.

معظم الفنادق ده موجوده في مدينه اسمها “بوني” والمدينة مليانة بالقصور الي ممكن تنزل فيها بأقل من اسعار الفنادق في اماكن تانية.

الهند

4- المغرب: 

 لو غيرنا البوصلة لافريقيا، فالمغرب تُعتبر الأفضل للسفر من حيث اسعار التذاكر الطيران، والاقامة بالاضافة ان المغرب فيها تنوع سياحي مش موجود في اي بلد تانية في شمال افريقيا.

في المغرب ابعد عن المطاعم لان اسعارها غالية الي حد ما، الاكل في الشارع نفسة أرخص بكتير ده غير انها تجربة تستاهل انك تقوم بيها.

البلد هناك أمنة وممكن تمشي فيها بليل ، ولو حبيت تنزل اي سوق وتشتري هتلاقي الحاجة بأسعار مناسبة، المهم انك تفاصل لان الفصال في السعر هناك شئ ضروري.

طعام-في-المغرب

 5- المجر:

بعيدا عن دول اوروبا الغربية زي “اسبانيا، فرنسا، المانيا”، هنختم الموضوع بدولة من اوروبا الشرقية وهيا المجر.

حتي ولو كانت اقامتك في العاصمة “بودابست” فممكن تقعد هناك اسبوع باقل من 100 دولار،بالنسبة للمواصلات كتير مش محتاج انك تركب تاكسي او تأجر سيارة خاصة، ده غير ان فيه  فيه هناك 3 خطوط مترو بيغطوا المدينة باكملها.

حتي ولو السفر بقي غالي ، الاهم ان فكرة السفر تكون دايما في دماغك.

المجر

 

Facebook Twitter Pinterest Linkedin Google + Email Whatsapp Telegram

نبذة عن الكاتب

حطت أقدامى في أراضٍ مختلفة، امتزجت شخصيتى بثقافتها، تأثرت بحضاراتها، تعلمت من شعوبها، وتفاعلت مع أحداثها، وما زلت أشعر أنه ينقصنى الكثير وأن رحلتي لم تبدأ بعد

مقالات متعلقة